ජය පැන් බොන සෙබල රැලක් විලසට හඬ තල තලා
රසකර මම පවසන්නෙමි මිණිකිංකිණි සොලවලා
අසනු මැනවි අසනු මැනවි අසනු මැනවි තු‍ටුවෙලා
පරයන ඉඳුනිල් කැටය - දෙනෙතෙහි ඇති රන් වටය
වසඟ නොවන්නේ කවුරුද නෑනගෙ එක බැල්මටය
මම කැමතියි නෑනට - නෑන කැමති නෑ මට
මම කැමතියි නෑනට - නෑන කැමති නෑ මට
පොත්ටික තුරුලට අරන් - මුව මදහස රැලි පෙරන්
පාසල් යන දෙවැට දිගේ නෑනා මගෙ රත්තරන්
මම කැමතියි නෑනට - නෑන කැමති නෑ මට..//
අඩ සඳ වන් නලලතේහි - චන්දන තිලකය ඇතේ
ඉඳපිල වැනි කෙස්කලඹ්ට කිතුල් රෑන පැරදෙතේ
මම කැමතියි නෑනට - නෑන කැමති නෑ මට..//
මුහුදෙහි රළ පෙළගැසී - ගමන සදිසි යන ලැසී
ඇගෙයි මගෙයි ආදරයට ආසිරි මල් වැසි වසී
මම කැමතියි නෑනට - නෑන කැමති නෑ මට..//
නෑඹුල් ගත කිතිකැවී - නවරස දුන් සරසවී
මගෙ දුප්පත් පැලේ ඉන්න එනවද මදුමාදවී
මම කැමතියි නෑනට - නෑන කැමති නෑ මට..//
ඔබෙන් ලැබෙන තොත්තුවේ - රසයට හද පත්තුවේ
කිරියිපැනියි වගේ ඉන්න එනවද මගෙ වස්තුවේ
මම කැමතියි නෑනට - නෑන කැමති නෑ මට..//
කරදර බාදක මැද්දේ - දිවිඟඟ පහලට පැද්දේ
ගල්පර දැක පෙරමුණේ මොන නදියද නැවතුනේ
මම කැමතියි නෑනට - නෑන කැමති නෑ මට..//
හස‍රැලි නැත්තම් මුහුනේ - සිතුවිලි ලස්සන නැහැනේ
වේදනාව නැති ලොවේ ජීවිත රසවත් නොවේ
මම කැමතියි නෑනට - නෑන කැමති නෑ මට..//
ගන්නෙද ඔබ වාඩුවක් - නැහැ මට ඉන් පාඩුවක්
හදමුද අපි කූඩුවක් වෙමුද පරෙවි ජෝඩුවක්
මම කැමතියි නෑනට - නෑන කැමති නෑ මට..//
|
0 comments:
Post a Comment