පෙම් රස වෑහෙන මංගල ගීතේ ජීවිතේ
මධු රස වෑහෙනා - ආදර නැකත ළඟාවේ
නිල් වන පියසේ පුංචි කැදැල්ලේ ආදරේ
දෙතොළඟ ගී සැලේ - මී වද සුවඳ සදා දේ

පෙම් කතරේදී දෑස නිවාලන
අවාරයේ ආ පිනි වරුසා වේවා..//
ඒ පෙම් කතරේ මා එන අතරේ
තනි තරුවක් සේ පාවේවා

පෙම් රස වෑහෙන මංගල ගීතේ ජීවිතේ
මධු රස වෑහෙනා - ආදර නැකත ළඟාවේ
නිල් වන පියසේ පුංචි කැදැල්ලේ ආදරේ
දෙතොළඟ ගී සැලේ - මී වද සුවඳ සදා දේ

සසර සැඳැල්ලේ නැගුණු සුපෙම් සඳ
මැකී නොයේවා - සදාතනික වේවා..//
සසරින් සස‍ෙර් එන්නෙමි මිහිරේ
ධීවරියක් සේ මා එනවා

පෙම් රස වෑහෙන මංගල ගීතේ ජීවිතේ
මධු රස වෑහෙනා - ආදර නැකත ළඟාවේ
නිල් වන පියසේ පුංචි කැදැල්ලේ ආදරේ
දෙතොළඟ ගී සැලේ - මී වද සුවඳ සදා දේ
ආදර නැකත ළඟාවේ -  මී වද සුවඳ සදා දේ ///

පද රචනය :- සෝමපාල ලීලානන්ද

ගායනය :- ආචාර්ය වික්ටර් රත්නායක සමඟ ඉන්ද්‍රාණි පෙරේරා

චිත්‍රපටය :- ‘සදහටම ඔබ මගේ’ (1973)

|

Read Users' Comments ( 0 )

රූස්ස ගහ ළඟ පාළු මාවතේ
කළුවර යාමේ කළු ගඟ අයිනේ
කවුරුද ඈතින් මා අමතන්නේ
ඔබේ සුවඳ දෝ සිත දැවටෙන්නේ

එහා තොටෙන් ඔබ පාරුව පැදගෙන
මෙහා තොටට එයි මා හමුවන්නට
දෙදෙනා පෙම් කළ මේ ගං තොටුපළ
සිහින නගරයකි ඔබ මා වෙන් කළ

පාරුව පෙර මෙන් ගඟ මැද පෙනුණා
පියවර හඬ මා අසලම ඇසුණා
චායාවකි මෙය මායාවකි එය
සසර පුරා ඔබ ඈතට ඇඳුණා

රූස්ස ගහ ළඟ පාළු මාවතේ
කළුවර යාමේ කළු ගඟ අයිනේ
කවුරුද ඈතින් මා අමතන්නේ
ඔබේ සුවඳ දෝ සිත දැවටෙන්නේ

පද රචනය :- උපාලි ධනවලවිතාන

ගායනය :- විජය කුමාරතුංග

 ගීතය

|

Read Users' Comments ( 0 )